Жаз мезгілі басталысымен табиғи өрттердің қаупі күшейетіні белгілі. Осыған байланысты өңірде орман және дала өрттерінің алдын алу, төтенше жағдай қызметтерінің дайындығын пысықтау үшін «Өрт – 2026» республикалық командалық-штабтық оқу-жаттығулары ұйымдастырылды.
Полиция департаменті баспасөз қызметінің хабарлауынша, жол қозғалысы қауіпсіздігін арттыру мақсатында КАЗ-03 «Астана – Сарыкөл – Қостанай – Қарабалық – РФ шекарасы» республикалық автожолының бойында, Успенов және Арман елді мекендерінің маңында «Елді мекеннің басталуы» жол белгілерін орнату жұмыстары жүргізілуде.
Қостанай облыстық филиалының «КАЖсервис» ЖШС қызметкерлері оқушылармен жол қозғалысы қауіпсіздігіне арналған профилактикалық кездесу өткізді.
Қостанай ауданындағы Мичурин жалпы білім беретін мектебінде «Заң мен тәртіп жолында бірге» тақырыбында жалпы мектепішілік ата-аналар жиналысы өтті. Жиында мамандар жасөспірімдер арасындағы құқық бұзушылықтың, лудомания мен нашақорлықтың алдын алу, сондай-ақ балалардың қауіпсіздігі мен психологиялық әл-ауқатын сақтау мәселелерін ата-аналармен бірлесе талқылады. Іс-шараға құқық қорғау органдарының, денсаулық сақтау саласының, төтенше жағдайлар қызметінің өкілдері мен психологтар қатысты.
Тасқын қаупі артатын кезең өңірде қалыпты жағдайда өтіп жатыр. Бұл биылғы тас-түйін дайындықтың және қолайлырақ табиғи фактордың арқасы. Көптеген елді мекенде қардың көбі еріп кеткен. Су қоймаларына да төніп тұрған қауіп жоқ. Өңірдегі жалпы ахуал туралы облыс әкімі Құмар Ақсақалов мәлімет берді.
Күні кеше Мичурин ауылдық округінде қардың қарқынмен еруі салдарынан қарғын су көлемі артып, қауіптің шұғыл алдын алу шаралары жүргізілген еді. Осы жағдайға байланысты Қостанай ауданының әкімі Олжас Нұрғалиев мәлімет берді.
Қостанай ауданына қарасты Мичурин ауылдық округінде қардың күрт еруі салдарынан қарғын су көлемі артты. Осыған байланысты жедел алдын алу шаралары жүріп жатыр.
Қауіп аймағындағы мекендерді қардан тазалау мейлінше жылдам жүруі керек. Аптадан аспайтын уақытта аяқталуы қажет. Өйткені қар қазірден-ақ баяулап ери бастады. Биыл бір де бір үйге қарғын су кірмеуге тиіс. Бұл – облыс әкімі қадап тапсырып отырған міндеттеме. Құмар Ақсақалов Қостанай-2 ауданына барып, қауіптің алдын алу жұмыстарымен танысты.
Тасқынға тастүйін дайындық – қазір күн тәртібіндегі кезек күттірмес міндет. Қиыны – түйіні тарқамаған түйткілдер әлі де бар. Кейбір аудан-қалада қауіпсіздік шаралары толық жүргізілмеген. Бірінде бөгеттер аз, бар болса да сапасыз, енді бірі су өткізу жүйелері құрылысын соңына жеткізбепті. Оның үстіне жиырма шақты гидротехникалық нысанның олқы күйі алаңдаушылық тудырып отыр…
