Бейтаныс әліпбиді танып, ұлттық киімнің тарихына үңілу, корей әуеніне құлақ түріп, дәстүрлі тағамдардың ерекшелігін білу… Арқалық қаласындағы Ы.Алтынсарин атындағы гимназияда орналасқан Корея орталығы оқушылар үшін осындай қызықты әлемнің есігін ашады. Мұнда өзге халықтың мәдениетін танып-білу арқылы жас ұрпақтың дүниетанымы кеңейіп, ұлттар арасындағы достық пен өзара құрметтің мәні тереңдей түседі.
Қарасу ауданынан кейін Науырзымға жолымыз түсті. Сапар барысында аудан əкімі Мəди Ихтиляповпен кездесіп, өңірдің бүгінгі тынысы, ауылдардың дамуы жəне газетіміздің оқырманмен байланысы туралы əңгімелестік. Бұл кездесудің мен үшін орны бөлек. Өйткені Науырзыммен байланысымыздың тамыры тереңде жатыр.
Амангелді ауданында күйші-композитор Айтбай Мұздахановтың 85 жылдық мерейтойы кең көлемде аталып өтіп, ұлттық өнерге тағзым еткен тағылымды кеш өтті.
Қарасу — Үлкен Чураков күре жолының оң жағына салынған арнаны біз де көрдік. Жол бойында қарайып көрініп тұр. Жасанды арнаның ені кейбір жерлерде алты есеге ұлғайып 138 метрге, ал тереңдігі 43 метрге дейін жеткен. Өткен-кеткен мал-жанға тым қауіпті. Сондықтан Қарасу аудан әкімдігі жиегін бекітіп, қоршап қоймақшы.
Амангелді ауданында туған жерге деген құрмет сөзбен емес, нақты іспен көрініс тапты. 1969 жылы туған азаматтар аудандық демалыс саябағын көгалдандыруға атсалысып қана қоймай, отырғызылған талдар жайқалып өскенше күтім жасауға да міндеттеме алды.
Өзбекстанда туып-өсіп, 2003 жылы тарихи Отанына қоныс аударған Гүлсағат Тұрғалиқызы бүгінде Рудный қаласында еңбек етіп, халқына адал қызмет етіп келеді. Оның өмір жолы — туған елге деген сағыныштың, қиындыққа мойымаудың және жаңа ортада өз орнын табудың жарқын үлгісі.
Арқалықтағы «Жігер» стадионында ерлер мен әйелдер командалары арасындағы волейбол лигасының ойындары тартысты өтіп жатыр. Қала көлемінде қайта жанданған жарысқа Арқалық командаларымен қатар көршілес аудандардың спортшылары да қатысып, өзара мықтыны анықтамақ.
Бұл шаңырақта береке мен татулық та, еңбекқорлық пен шығармашылық та, тәртіп пен тазалық та – бәрі-бәрі біте қайнасып жатыр. Жарты ғасырға жуық жұп жазбаған Николай-Любовь Коваленколардың әсем ауласы да көркем болмыстарының айнасы іспетті. Науырзымдағы «Ең үздік аула» байқауында топ жарған отбасыға мейман болудың сәті түскен еді.
Ауылдың әлеуетін арттыратын нысандардың қатарында спорт ғимараттарының орны ерекше. Өйткені спорт – денсаулықты нығайтумен қатар, жас ұрпақты тәртіпке, табандылыққа, командалық рухқа баулитын маңызды құрал. Ұзынкөл ауданына қарасты Ершов ауылында да балалар мен жастардың спортпен тұрақты айналысуына жағдай жасау мәселесі күн тәртібінде болған. Бұған дейін ауыл балалары мектептің шағын спорт залында жаттығып келген еді. Енді бұл […]
Жангелдин ауданының Жаркөл ауылдық округіне қарасты Тәуіш ауылында ашылған жаңа спорт нысаны «Қазақстан халқына» қоғамдық қорының қамқорлығымен ел игілігіне беріліп отыр.
