Елімізде алғаш рет аудан мен облыстық маңызы бар қалалар әкімдерінің сайлау басталды. Таң ата сайлау учаскесі ашыла салысымен дауыс беруге келген Денисов тұрғындарының қарасы көп болды.

Облыстың 5 өңірінде әкімдердің сайлауы өтіп жатқаны белгілі. Алтынсарин ауданы бойынша әкімдер сайлауына 3 кандидат тіркелген.

Федоров ауданының Воронеж селолық округі Успенов ауылында дауыс берушілер арасында белсенділік жоғары.

Кеншілер қаласындағы №152 сайлау учаскесінде 2564 сайлаушы тіркелген. Сағат 09:00-дегі жағдай бойынша 90-нан аса адам дауыс беріп үлгерген.

Рудный қаласы бойынша сайлауға үш кандидат тіркелген.

Бүгін елімізде тұңғыш рет 45 аудан мен облыстық маңызы бар қалаларда әкімдерді халық өздері таңдайды. Өңіріміз бойынша жұмыстарын бастаған барлық 194 сайлау учаскесінде  әнұран ойнады.

Қарабалық ауданының тұрғындары алғаш рет аудан әкімін сайламақ. 5 қарашадағы сайлау күгі өңірде 54 учаске жұмыс істейтін болады. Бүгінде ауданда 16 мың 883 сайлаушы тіркелген. Олардың ішінде 120 адам тұңғыш рет дауыс бергелі отыр. Халық алдағы науқанға қаншалықты әзір, оны алдағы сайлау нәтижесі көрсетпек.

Алдағы жексенбіде тұңғыш рет қала және аудан әкімдерінің сайлауы өтеді. Бұл халықтың еркін таңдауы арқылы аймақтың дамуына үлес қосатын зор мүмкіндік болмақ. Оның қатарында Федоров ауданы да бар. Пилоттық режимде тұңғыш рет өтетін сайлау барысы қалай?

Денисов тұрғындары да алғаш рет аудан әкімін сайлағалы отыр. 5 қараша күні 28 сайлау учаскесі жұмыс істейді. Бүгінде осы өңірде 11 мың сайлаушы тіркелген. Халық алдағы науқанда қаншалықты белсенділік танытады, оны сайлау нәтижесінен көретін боламыз.