Жыл айрығында әр ісімізге есеп беріп, қорытынды шығарамыз. Биыл мәдениет саласында түрлі бастамалар жүзеге асты. Концерттер, фестивальдар, гастрольдер, спектакльдер, байқаулар, көрмелер өз легімен, жоспар бойынша өтіп жатыр. Осы жоспарға ауылдардың да қосылуы жақсы нышан еді.
Тәуелсіздігіміздің 30 жылдығы қарсаңында облыстық халық шығармашылығы орталығының жанынан «Шаңырақ» ұлттық өнер орталығы ашылған болатын.
Ілияс Омаров атындағы облыстық қазақ драма театрында жерлесіміз, тақтақ ақын Нұржан Наушабайұлы атындағы «Арқада Наушабайдың Нұржаны өткен…» республикалық жыр-терме, дәстүрлі ән орындаушылар фестивалі өтті.
Н. Молдахметов атындағы қазақ халық аспаптар оркестріне 15 жыл толуына орай «Тобыл-Торғай толғауы» атты концерт ұйымдастырылды. Оған Қырғызстан, Башқұртстан, Өзбекстан елдерінен келген өнер майталмандары қатысты.
Түркі тілдес елдердің мәдени мерекесіне, Қостанайдың брендіне айналып үлгерген «Түркі әлемі» ІV халықаралық фестиваль өтті. Облыс орталығындағы «Жастар сарайы» ғимаратында бауырлас ұлттардың өнерпаздары Тобыл өңірінде бас қосып, әсем әуендер шырқалып, күй-саздар күмбірледі.
Арқалық қазақ жасөспірімдер театры көрермен назарына кезекті премьерасын ұсынды.
Ілияс Омаров атындағы Қостанай облыстық қазақ драма театрының шығармашылық қоржыны тағы бір тамаша туындымен толықты. Ақын, драматург Ақылбек Шаяхметтің «Министр» атты деректі драмасы қалың көрерменге жол тартты. Қойылымда заңғар тұлға, мемлекет және қоғам қайраткері, ұлт руханиятының жанашыры Ілияс Омаровтың өмірі мен биік болмысы суреттеледі. Премьераны өнерсүйер қауым ыстық ықыласпен қабылдап, жоғары бағалады.
13 желтоқсан күні Е.Өмірзақов атындағы Қостанай облыстық филармониясының концерттік залында бүкіл әлемге қазақ халқының музыкалық өнерін, бірегей қазақ музыкалық аспаптарын және дала әуенімен сұлулығын танытқан ұжымның, Н.Молдахметов атындағы қазақ халық аспаптар оркестрінің 15 жылдық мерейтойына арналған “Тобыл-Торғай толғауы” атты салтанатты концерт өтеді.
“Жаңа заман – жаңа Қазақстан” эстрада бағытындағы орындаушы вокалды топтардың облыстық байқауы өз мәресіне жетті. Байқауға өңіріміздің 6 ұжымы қатысып, тамаша өнер көрсетіп, халықтың қошеметіне бөленді.
Қостанай облыстық Л.Толстой атындағы ғылыми әмбебап кітапхананың ұйымдастыруымен өткен «Мәңгілік өнер. Искусство на все времена» облыстық әдеби байқауына отызға жуық жас қаламгер қатысты. Байқауға өтініштер қаңтар айынан бастап қабылданды.
