Қостанайда алғаш рет қазақ күресінен Ахмет Байтұрсынұлын еске алуға арналған республикалық турнир ұйымдастырылды. Жарысқа өңірімізбен қатар 8 облыстан жүзден астам балуан қатысып жатыр.
Қаржы пирамидасын құрды деп айыпталған тұрғын сот залында жауап берді
Қостанай қаласының тұрғыны Николай Бухарин “Финико” қаржы пирамидасының филиалын басқарды деп айыпталып отыр. Бірақ сот алдында жауап берген айыпталушы “Финико” ешқандай пирамида немесе қаржы компаниясы емес деп куәлік берді. Айтуынша, ол адамдарға ақшаны биткоинге айналдыруға мүмкіндік беретін “онлайн ойын платформасы”.
10 жылға бас бостандығынан айырылды
Қостанай қалалық қылмыстық істер жөніндегі сотта синтетикалық есірткіні жасырын қойып кетумен айналысқан екі қызға сот үкім шығарды.
Тазалық айлығы басталды
Қостанай қаласы әкімдігінде өткен аппарат отырысында қала әкімі Марат Жүндібаев тазалық айлығы басталғанын хабарлады. Қостанай қаласында санитарлық тазалық айлығы 25 қыркүйек пен 25 қазан аралығында жүргізіледі.
Еңбекке бас иген
Жастар сарайында ҚР Еңбек күніне арналған салтанатты іс-шара өтті. Яғни, айтулы күнге орай “Еңбек жолы” өңірлік байқауының жеңімпаздары сый-құрметке ие болды. Байқау жыл сайын өткізіліп келеді. Биыл Қостанай облысында байқауға қатысуға 35 өтінім келіп түскен.
Есірткі қойып кетумен айналысқан қыздардың ісі сотта қаралып жатыр
Қостанай қалалық қылмыстық істер жөніндегі сотта синтетикалық есірткіні жасырын қойып кетумен айналысқан он тоғыз жасар екі қыздың ісі қаралуда. Оларға синтетикалық есірткінің аса ірі мөлшерін тасымалдап және сақтап, таратқаны үшін айып тағылып отыр. Екі қыз да кінәларын мойындады.
Ұлт батырына арналған драма сахналанды
Амангелді Үдербайұлының 150 жылдығына орай І.Омаров атындағы қазақ драма театры Ә.Әбілтаевтың “Қаһарлы 16-жыл” атты драмасын Қ.Әбенов атындағы мәдениет үйінде сахналады.
Ауданның әлеуеті артып, келбеті көркейеді
Науырзым ауданының автожол саласына биыл 379 млн теңге бөлінді. Бұл өткен жылмен салыстырғанда 45% артық. Ауданның облыстық маңызы бар автомобиль жолдарының жағдайын жақсарту үшін осы жылы “Қараменді- Раздольное-Аралкөл” автомобиль жолының учаскесіне ағымдағы және орташа жөндеу жұмыстары жүргізіледі. Бұл жайлы облыс әкімі Құмар Ақсақалов Науырзым ауданының тұрғындарымен кездесу жиынында айтты.
Ынтымақтастық жемісі
ҚР Президенті Іс басқармасы Медициналық орталығының 21-24 тамыз аралығында Қостанай облысындағы күндері өтті. Іс-шараның алғашқы күнінен медорталықтың Астана мен Алматыдағы орталық клиникалық аурухананың 32 жетекші маманы өңір тұрғындарына прктикалық және консультациялық-әдістемелік көмек көрсетті. Үш күннің ішінде 19 ота, 20 шеберлік сағаты және 60-тан аса кеңес берген.
Қарасора алқабын өртеді
Қостанай станциясының желілік полиция бөлімінің полицейлері рейд барысында қала шетіндегі шаруа қожалықтың бірінен қарасора алқабын анықтады. Тыйым салынған жабайы шөптің аумағы 6 гектарды алып жатыр. Нәтижесінде ҚЖП бөлімі мен Қостанай облысы полиция департаментінің есірткі қылмысына қарсы іс-қимыл басқармасының қызметкерлері 2500 мың есірткі бұтасын өртеп, көзін жойды.