“Домбыра-думан” байқауына Бекзат есімді оқушы бейнетуындысын жолдады. Өзі Науырзым ауданынан екен. Жамбыл ЖББМ 7-сыныбын бітірген. 13 жасар үміткер жүлделілер қатарынан көрінуден дәмелі екенін айтады. Бекзат Аманжолұлы байқау үшін халық күйі “Жастар биін” орындап беріпті. Әділ бағасын арнаулы сарапшылар бере жатар, әзірге қатысушымызға қолдау білдіре отырайық.
“Домбыра-думан” облыстық байқауының келесі үміткері – Арқалық қаласының кішкентай тұрғыны. Әдемі есімді кішкентай ару Кейкі батыр атындағы ЖББМ 7-сыныбында оқиды. Домбыра үйренуге талаптанып жүрген қабілет иесі балдырған күйшілер сынында бағын сынап көрмек. Ол байқауға Арыстанбек Сұлтанбековтің «Домбыра» күйімен қатысып отыр. Үміткерімізге сәттілік тілеп қоялық!
“Қостанай таңы” жариялаған “Домбыра-думан” оқушылар байқауының келесі үміткері 14 жаста. Қостанай ауданы Жамбыл ауылындағы Жамбыл жалпы білім беретін мектебінің 9-сынып оқушысы. Нұрбол күй атасы Құрманғазының “Ұзақ Ақжелең” атты шығармасын орындапты. Екінің бірі тартпақ түгіл атауын біле бермейтін бұл күйді талапкеріміз қалай орындады екен? Бірге тыңдап көрелік.
12 жасар балдырғанның қабілетіне баға беріп көріңізші. Болашағынан зор үміт күттіретін дарын десек, қателесе қоймайтын шығармыз. “Домбыра-думан” байқауына арнап, Әбдімомын Желдібаевтың “Ерке сылқымын” орындапты. Жас талап Жанасыл Асыланұлы Қостанай қаласындағы №9 орта мектептің 6-сыныбында оқиды. Қадамына сәттілік!
“Қостанай таңы” газеті жариялаған байқауға Қостанай ауданына қарасты Жамбыл ауылының дарынды оқушысы қатысып отыр. Елжас Ерланұлының жасы 15-те. Аталған ауылдағы Жамбыл жалпы білім беретін мектебінің 9-сынып оқушысы. Қаршадай ғана жас осы күнге дейін өзгеше өнерімен талай белесті бағындырып үлгерген. Ол Қостанайда, Астанада өткен бірнеше халықаралық байқаудың Бас жүлдесін иеленіпті. Сондай бір өнер сындарының бірінде орындаған […]
“Домбыра-думан” байқауына 14 жастағы талапкер Айназ Кемеңгерқызы Қарағұл қатысып жатыр. Жас дарын Жанкелдин ауданы Торғай ауылында тұрады. “Dan-As” шығармашылық орталығының тәрбиеленушісі. Айназ Құрманғазының күрделі күйлерінің бірі “Төремұратты” нақышына келтіре орындаған екен. Бірге тыңдап көрейік, лайықты бағасын берейік!
БАҚ қызметкерлері күні қарсаңында облыстық «Қостанай таңы» газеті жариялаған «Дін және қоғам» облыстық байқауының қорытындысы жарияланды. Жүлдегерлер қарт басылымның 102 жылдығы қарсаңында лайықты жүлделерін иеленді.
Онлайн байқау Қостанай облысының дарынды тұрғындарын іздеп табуға, сондай-ақ қазақтың ұлттық аспабы – домбырамен танысуға, қазақ халқының рухани құндылықтарына деген сүйіспеншілікті оятуға бағытталған.
«Қостанай таңы» газеті Домбыра күніне орай мектеп оқушылары арасында «Домбыра-думан» облыстық бейнебайқауын жариялайды! Ұлт аспабына бейімі бар балдырғандар мен жасөспірімдерді ерекше байқауда бақ сынауға шақырамыз! Жеңімпаздар мен жүлдегерлерге демеушлеріміз тағайындаға бағалы сыйлықтарымыз бар!
«Мирас» мәдениет үйінде «Достық әнін шырқайық» атты екі жұлдыз байқауының қорытынды үшінші кезеңі өтті. Қатысушылар түрік, башқұрт, грузин, өзбек және орыс тілдерінде ән шырқап, өз өнерлерін ортаға салды.
