Сайлау учаскелерінде жергілікті өнерпаздардың көшпелі концерттік бағдарламасы өтуде.
Бүгін Қазақстан Республикасының жаңа Конституциясын қабылдау жөніндегі жалпыұлттық референдум аясында аудан-қалаларда әртүрлі мәдени іс-шаралар ұйымдастырылуда.
Сайлау учаскелерінде көркемөнерпаздар ұжымдарының көшпелі концерттік бағдарламасы халық назарына ұсынылып отыр. Өнерпаздар тұрғындарға көтеріңкі көңіл-күй сыйлап, ән мен күйден шашу шашуда.
Концерт барысында халық әндері, патриоттық шығармалар және заманауи музыкалық туындылар орындалуда. Өнерпаздардың өнері учаскелерге келген азаматтарға мерекелік көңіл-күй сыйлап, мәдени атмосфера қалыптастыруда.
«Мұндай мәдени бағдарламалар референдум күні дауыс беруге келген тұрғындардың көңілін көтеріп, жұртшылықтың бірлігі мен белсенділігін арттыруға ықпал етеді» дейді ұйымдастырушылар.
Руслан ӘЛКЕЕВ
Суреттерді түсірген – автор