Республикалық референдум қарсаңында Қазақстан Республикасы жаңа Конституциясы жобасын түсіндіру жөніндегі жұмыс тобы Ахмет Байтұрсынұлы атындағы Қостанай өңірлік университетінің студенттері мен профессорлық-оқытушылық құрамымен кездесу өткізді.
Диалог алаңы университеттің студенттері мен профессорлық-оқытушылық құрам өкілдерін біріктірді. Кездесу ашық пікір алмасу форматында өтті, онда қатысушылар өздерін қызықтырған сұрақтарын қойып, Негізгі заң жобасының негізгі ережелері бойынша жан-жақты жауаптар алды.
Іс-шараға Конституция жобасын түсіндіру жөніндегі өңірлік коалиция мүшелері Ермек Асқаров, Сымбат Үкин және Аружан Сәрсенбаева қатысты. Олар Конституция жобасында ұсынылып отырған негізгі өзгерістер туралы айтып, олардың әділеттілік қағидаттарын нығайтуға, демократиялық институттарды дамытуға және азаматтардың мемлекеттік басқаруға қатысуын кеңейтуге бағытталғанын атап өтті.
Кездесу барысында елдің қоғамдық-саяси өміріндегі жастардың рөліне, белсенді азаматтық ұстанымның маңыздылығына және алдағы референдумға саналы түрде қатысудың қажеттілігіне ерекше назар аударылды.
Студенттер мен оқытушылар сондай-ақ білім беру саласын дамыту, жастар бастамаларын қолдау және қоғамдық өмірдің түрлі салаларындағы заңнаманы жетілдіру мәселелерін талқылады.
