Биылғы облыстық спартакиадасы ұлттық спорт түрлерінің енуімен ерекшеленгенін айта кету керек. Білектің күші мен ат үстіндегі айла-тәсілге құрылған аударыспақ ойынында Қостанай ауданының балуандары үздік өнер көрсетті.
“Аударыспақ ойынында атлеттер алты салмақ бойынша сынға түсті. Соның үшеуінен Қостанай ауданының балуандары жеңімпаз атанды. Тоқсан келіден жоғары ең ауыр салмақта қарасулықтар дес бермеді”, – дейді аударыспақтан бас төреші Орал Сейдахметов.
Облыстық спартакиаданың аясында өткен аударыспақ бәсекесінде Данияр Әлкеев, Дәулет Асанов, Мейіржан Әбиболла, Мәлік Жәлелов, Дархан Садмановтар жеңімпаз болды.