Үндістанның Дели қаласында әйелдер арасында өткен әлем чемпионатынан жерлесіміз Надежда Рябец қола жүлдемен оралды. Қостанай темір жол вокзалынан жүлдегерді жанкүйерлер, боксшының туған-туыстары мен достары, спорт басқармасының өкілдері қарсы алды.
Ел үмітін ақтады
Үнді елінде өтіп жатқан бокстан әлем чемпионатында жерлесіміз Надежда Рябец қола жүлдеге қол жеткізді. Ақтық сынға жолдама алар сәтте төрешілердің өзара келісімі бойынша қытай атлетіне жол берді. Бұлай айтуымыздың себебі, Надежда қарсыласынан екі раунд бойы басым түсті.
Ағайындылар зор олжамен оралды
Таяуда Сербия елінде ММА-дан әлем чемпионаты өткен еді. Дүниежүзінің алпыс елінен жекпе-жекшілер қатысқан айтулы додаға Жітіқара ауданынан барған ағайынды Ыдырысовтар олжалы келді. Ыдырыс ( атасымен аттас екен) 68,5 келідегі қарсыластарының арасында үздік деп танылды. Алтын медальді еншілеген бауырының жолын Шыңғыс қола жүлдемен түйіндеді.
Жастарға зор үміт артылады
Кеше ғана “Тобыл” футбол командасының қатары өз түлектері Бейбіт Ғалым мен Бекзат Ермекбаевпен толыққан болатын. Маусым басталар тұста сол жігерлі жастарымыздың бірі Бекзатпен әңгіменің орайы келді.