Қазақтың аса көрнекті ағартушысы, қоғам қайраткері, ақын, жазушы М. Дулатовтың 140 жылдығына арналған «Алаштың бір ардағы» атты аймақтық ақындар аламанының салтанатты ашылуында Арқалық қалалық мәслихатының төрағасы Гүлбану Елтебаева құттықтау сөз сөйлеп, өнер додасына қатысушы үміткерлерге сәттілік тіледі.
ҚР Мәдениет және ақпарат министрлігінің қолдауымен Ұлттық музейде Міржақып Дулатұлының 140 жылдығына арналған «Қазақ рухын оятқан тұлға» атты көрме мен дөңгелек үстел өтті.
Арқалық қазақ жасөспірімдер театры «Міржақып» тарихи композициясын сахналады. Авторы ақын — жазушы, Қазақстан Жазушылар одағының мүшесі С. Пірманов.
Тобыл-Торғай жері қазақ халқының тарихында болмысы бөлек ұлт зиялысы, әдебиетіміздің көрнекті өкілі, қоғам қайраткері Міржақып Дулатұлының 140 жылдық мерейтойын бастап жіберді. Алаш ардақтысының мерейтойын атап өту былтырғы жоспарлы мәдени іс-шаралардың аясында инфрақұрылымдық бағыттағы жұмыстармен жалғасын тауып жатыр.
Қостанайда Міржақып Дулатұлының 140 жылдығына арналған мерейтойлық іс-шаралар легі басталып кетті. Игі бастамаға Жайлаубай ата мешітінің ұжымы мұрындық болды.
