Қала бұл оқиғаны жылдар бойы күтті. Қала әкімдігінің мәліметінше, бұрын мұнда «Fox Cinema» кинотеатры жұмыс істеген, бірақ коронавирустық инфекция пандемиясы өз түзетулерін енгізген болатын.
Қала әкімдігі бизнеске қолдау көрсетті, кинозалға арнайы креслолар сатып алынды, сондай-ақ жұмыспен қамтуды мемлекеттік қолдау шаралары шеңберінде кинотеатр қызметкерлерімен қамтамасыз етуге жәрдем көрсетілді. Яғни, жалақының едәуір бөлігі бюджет есебінен, Мансап орталығының көмегімен әлеуметтік және қоғамдық жұмыс орындарын құру шеңберінде субсидияланатын болады. Осылайша 9 адам жаңа жұмыс орындарына орналасады.
Сонымен қатар, халықтың әлеуметтік осал топтарындағы балаларға кино билеттерін сатып алуға қаражат қарастырылған.
Айта кетейік, кинозалда мүгедектігі бар адамдарға арналған арнайы орындар бар. Жаңадан ашылған кинозалдың жалпы сыйымдылығы 95 адам.
«Бүгінгі таңда өте жігерлендіретін нәрсе, бізде тек ниет қана емес, сонымен қатар шығармашылық индустрия саласын дамытуға жәрдемдесу мүмкіндігі де бар. Атап айтқанда, біз кинематографияны дамытумен айналысатын бизнесті қолдау үшін жауапкершілікті өз мойнымызға алуға қуаныштымыз», – деді Лисаков қаласының әкімі Абай Ибраев.