Бейімбет Майлин ауданының Әйет ауылында абаттандыру жұмыстары аясында жол инфрақұрылымын сақтау және көлік қозғалысының қауіпсіздігін арттыруға бағытталған жұмыстар жүріп жатыр.
Елді мекендегі маңызды бағыттардың бірі — ауыр жүк көліктерінің ауыл көшелерімен қозғалысын шектеу. Салмағы ауыр техника жол жамылғысына айтарлықтай салмақ түсіріп, оның мерзімінен бұрын тозуына әкелуі мүмкін. Осыған байланысты Әйет ауылында Батыс, Бейбітшілік, Өмірзаков және Жабағы батыр көшелерінде орналасқан аркалар жөнделді. Аталған жұмыстар ірі габаритті және ауыр салмақты көліктердің елді мекен көшелерімен қозғалысын тиімдірек реттеуге мүмкіндік береді.
Сонымен қатар жол инфрақұрылымын сақтауға бағытталған шараларды күшейту мақсатымен Тәуелсіздік және Республика көшелеріне тағы екі шектеу аркасын орнатуға келісімшарт жасалған. Қазіргі уақытта екі конструкция да орнатылды.
Жүргізіліп жатқан жұмыстар ауылды абаттандыру және тұрғындарға қолайлы әрі қауіпсіз жағдай жасау жөніндегі кешенді шаралардың бір бөлігі саналады.
Бұл бағыттағы жұмыстар алдағы уақытта да жалғасып, ауыл инфрақұрылымын күтіп-баптап ұстауға, тұрғындардың қауіпсіздігін қамтамасыз етуге және атқарылған абаттандыру жұмыстарының нәтижесін сақтауға жол ашады.