Қостанай облысының әкімі Құмар Ақсақалов Ұлттық валюта күнімен және қаржыгерлерді кәсіби мерекесімен құттықтады!

Қостанай облысының әкімі Құмар Ақсақалов Ұлттық валюта күнімен және қаржыгерлерді кәсіби мерекесімен құттықтады!

 

 

Облыс әкімі 1993 жылғы 15 қарашада ұлттық валютамыз – теңгенің айналымға енгізілуі Қазақстанның экономикалық тәуелсіздігін нығайтудағы тарихи маңызды қадам болғанын атап өтті.

Сондай-ақ қаржы жүйесінің ел экономикасының тұрақты дамуын қамтамасыз етудегі айрықша рөліне тоқталып, Қостанай облысының әлеуметтік-экономикалық өркендеуіне қаржы саласы мамандарының қосып отырған үлесін ерекше атап өтті.

Өңірдің даму жоспарларын жүзеге асыру, жаңа өндірістерді іске қосу, инфрақұрылымды жаңғырту және халықтың әл-ауқатын арттыру жолындағы қаржыгерлердің еңбегіне жоғары баға берді.

“1993 жылғы 15 қарашада Қазақстанның ұлттық валютасы – теңге айналымға енгізіліп, еліміздің экономикалық тәуелсіздігінің берік негізі қаланды. Бүгінде қаржы жүйесі ел экономикасының тұрақты дамуын қамтамасыз етуде айрықша рөл атқарады. Қостанай облысының әлеуметтік-экономикалық өркендеуіне қаржы саласы мамандарының қосып отырған үлесі ерекше. Өңірдің даму жоспарларын жүзеге асыру, жаңа өндірістерді іске қосу, инфрақұрылымды жаңғырту және халықтың әл-ауқатын арттыру жолындағы еңбектеріңіз зор құрметке лайық. Баршаңызға толағай табыс, отбасыларыңызға амандық, бақ-береке тілеймін. Төл теңгеміздің тұғыры берік, еліміздің экономикасы өркенді, тәуелсіздігіміз баянды болсын!” – деді Құмар Ақсақалов.

Облыс әкімі сала мамандарына толағай табыс, мықты денсаулық, отбасыларына амандық пен бақ-береке тілеп, төл теңгеміздің тұғыры берік, еліміздің экономикасы өркенді, тәуелсіздігіміз баянды болуына тілектестік білдірді.