Жанкелдин аудандық ауруханасында тұрған «Чистые бахилы» деген жазу қазағы қалың ортаны қайран қалдырып отыр.
Барлық тұрғындары тек қазақ тілінде сөйлейтін Торғай өңірінде мұндай орысша жазудың не себепті тұрғанына жұрт аң-таң.
«Бұл неге қазақша емес? Біз бәріміз қазақша сөйлейміз ғой. Торғайда орысша жазуға қандай қажеттілік туындады?» – деп мәселе көтеріп хабарласты оқырманымыз.
Бұл жайт мемлекеттік тіл мәртебесіне қалың қазақтың ортасындағы ағайынның көзқарасы ұсақ-түйектен басталатынын көрсетеді. Екіншіден жергілікті мекемелерде ана тіліне жеткілікті назар аударылмай отырғанын аңғартады.
«Көрген көзде жазық жоқ» дейді қазақ.