2026 жыл аграрлық ғылым үшін маңызды жаңалықтармен есте қалмақ. Ғалымдар қуаңшылыққа және топырақтың тұздануына төзімді жаздық арпаның жаңа «Батырхан» сортын таныстырды.
Бұл – климаттық өзгерістер жағдайында егін шаруашылығы үшін аса маңызды қадам. Табиғи қолайсыздықтарға төтеп беретін жаңа сорттар өнімділікті сақтауға мүмкіндік береді.
Бұдан бөлек, вируссыз отырғызу материалын өндіру технологиялары дамытылып, отандық селекцияның құнды үлгілерін сақтауға бағытталған жұмыстар жүргізілуде. Соның ішінде көпшілікке танымал «Апорт» сортын қалпына келтіру және биопестицидтер өндірісін жергіліктендіру жобалары бар.
Ал өсімдіктерді in vitro әдісімен көбейту технологиясының дамуы сапалы әрі сау көшет материалын алуға жол ашады.