Қоғамда ұстаз мәртебесі қашанда биік. Өткен мерекенің құрметіне ұйымдастырылған бүгінгі велошеруге қала тұрғындары, мектеп оқушылары, университет-колледж студенттері қатысты.
–Дәстүрлі іс-шара биыл бесінші рет өткізіліп отыр. Бұлтты ауа райына қарамастан, 150-ге жуық велошабандоз қатысты.
Велошабандоздар орталық алаңдағы Ы.Алтынсарин ескерткіші жанынан бастап, Гашек көшесіндегі Қазақстан Тәуелсіздігінің 25 жылдығы жағалауына дейінгі 12 шақырым қашықтықты жүріп өтті, – дейді “Қостанай велоқоғамдастығы” қоғамдық бірлестігінің төрағасы Қанат Сағынбаев.
Іс-шара облыстық Дене шынықтыру және спорт басқармасы, Білім басқармасы, “Қостанай велоқоғамдастығы» қоғамдық бірлестігімен тығыз ынтымақтастықта жүзеге асырылды.
«Добрый Пекарь» және «Тассай» ұйымдары марафонның өтуіне тұрақты серіктестер.
Б. МЕЙРАМҰЛЫ.