Шетелге турларды брондаумен айналысқан компанияға клиенттер жаппай шағымдануда.
Қазіргі уақытта полицияға турлар үшін төлеген, бірақ уәде етілген қызметтерді ала алмаған зардап шеккендерден 53 арыз келіп түсті. Арыз иелері Египетке, Түркияға, Таиландқа, Вьетнамға және Қытайға сапарларға тапсырыс беріп, турлардың құнын толық немесе ішінара төлегенін айтады.
Алайда, төлемге қарамастан, турларға тапсырыс берілмей, ақшалары қайтарылмаған.
«Клиенттер турларды кеңсеге бару арқылы, телефон арқылы да брондап, қолма-қол және қолма-қол ақшасыз төледі. Бірақ ұшу күні олар турларға тапсырыс берілмегенін анықтады. Алдын ала есептеулер бойынша залал шығындары 40 миллион теңгені құрады. Компания айыптауларға ақшаның иемделмегенін және турлар өз құны бойынша сатылғанын жеткізді. Соның салдарынан мәселелер туындады деп жауап берді», – деп хабарлайды облыстық полиция департаментінің баспасөз қызметі.
Қазіргі танда полицейлер турларды брондауды растайтын қандай да бір құжаттардың жоқтығын анықтап отыр. Екі және одан да көп зардап шеккендерге қатысты алаяқтық фактісі бойынша сотқа дейінгі тергеп-тексеру жүргізілуде. Күдікті-жеке кәсіпкер ұсталды. Тергеу жалғасуда.
Полиция зардап шеккендердің барлығынан осындай схема бойынша құқық қорғау органдарына жүгінуді сұрайды.