Науырзым ауданында жаңа Конституция жобасы бойынша республикалық референдум өтуде. Аудан бойынша 15 референдум учаскесі мен 1 аудандық референдум комиссиясы өз жұмысын бастады. Ауданда барлығы 4151 азамат дауыс беру құқығына ие.
Референдум учаскелері жергілікті уақыт бойынша таңғы сағат 07:00-де ашылып, дауыс беру кешкі 20:00-ге дейін жалғасады.
Аудан тұрғыны Айнагүл Вовченко өз таңдауын жасап, азаматтық белсенділік танытты.
– Бүгін өте маңызды күн. Әр азамат ел болашағына бейжай қарамай, өз таңдауын жасауы керек деп ойлаймын, – дейді ол.
Ал Шолақсай ауылында алғашқылардың бірі болып келіп дауыс берген тұрғын – Гүлнар Турмышева.
– Бүгінгі референдум – еліміздің болашағы үшін маңызды қадам. Әрбір азамат өз таңдауын жасап, ел тағдырына бейжай қарамауы керек деп ойлаймын. Сондықтан таңертең ерте келіп дауыс бердім. Бұл – біздің азаматтық борышымыз. Елдің дамуы мен тұрақтылығы әрқайсымыздың белсенділігімізге байланысты, – дейді Шолақсай ауылының тұрғыны.
Алғашқылардың бірі болып дауыс бергені үшін Гүлнар Турмышеваға естелік сыйлық табысталды.
Суреттерді түсірген
Жібек МЫРЗАҒАЛИ