Бүгін Рудный қаласының орталық алаңында Отан қорғаушылар күніне арналған салтанатты іс-шара өтті.
Орталық алаңдағы жиын әскерилердің сап түзеп жүруінен басталды. Тұрғындарды қала әкімі Виктор Ионенко құттықтады.
– Бүгін нағыз ерлердің, еліміздің шынайы патриоттарының мерекесі. Бұл күн әскери борышын өтеген және ел алдында қызмет етіп жүрген азаматтарға арналған құрмет. Баршаңызды шын жүректен құттықтаймын, – деді қала әкімі.
Отан қорғаушылар күні біздің мәдениетіміз бен дәстүріміздің маңызды бөлігіне айналған мереке. Бұл күн бізге қорғаушыларымыздың батылдығы мен адалдығының арқасында бостандықтың, бейбітшілік пен қауіпсіздіктің құндылығын еске салып тұрады.
