«Тобыл» қорғаушысы «Қайсарға» қарсы ойыннан кейін @qostanai_tany газетінің сұрақтарына жауап берді.
– Кешегі матчта жеңіске жету үшін не жетіспеді?
– Біз өте жақсы ойын өткіздік, бірақ, өкінішке орай, гол соғатын сәттерімізді жүзеге асыра алмадық. Жеңіске жету үшін мүмкіндіктер жеткілікті болды, бірақ бірде дәлдік, ал екіншісінде салқынқандылық жетіспеді. Біз бұдан артығына лайық болдық деп ойлаймын. Енді дәлдікті дұрыстап, әр жеңіс үшін аянбай еңбек етеміз.
– Соңғы матчтарда «Тобыл» үш орталық қорғаушымен ойнап жүр. Бұл сіз үшін қиындық туғыза ма? Төрт қорғаушымен ойнаған ыңғайлы ма әлде?
– Шындығында, біз үшін схема маңызды емес. Командада сапалы ойыншылар жеткілікті, үш қорғаушымен де, төрт қорғаушымен де ойнауға бейімделе аламыз. Әрқайсымыз бапкер қойған тапсырманы орындауға дайынбыз. Ең бастысы – жинақы түрде ойнап, бір-бірімізге алаңда көмектесу. Ал схема тек қана қосымша құрал.