Қостанай қаласының Гашек көшесіндегі Күштік спорт түрлерінің академиясында 650-ден астам бала шынығады. Бір “әттеген-айы”, спорт нысанына дейін қоғамдық көлік қатынамайды. Жасөспірімдер алыстағы аялдамадан түсіп қалып, ары қарай жаяу барады. Әсіресе, қыста қиын. Балаларының қауіпсіздігіне ата-аналары да алаңдаулы. Аталған мәселе Қостанай қаласы әкімдігінде өткен кезекті аппарат мәжілісінде сөз болды.
Қостанай қаласының әкімі Марат Жүндібаев халықаралық Әйелдер мерекесіне орай қыз-келіншектерді құттықтады. Мерекелік шара қалалық әкімдіктің ұйымдастыруымен “Мирас” мәдениет үйінде өтті.
Қостанай қаласы әкімдігінде өткен аппарат жиналысында болуы мүмкін көктемгі су тасқынына дайындық шаралары талқыланды. Қала әкімі Марат Жүндібаев жергілікті атқарушы орган табиғаттың тосын мінезіне тастүйін дайын болуы қажет екенін ескертті.
Қостанай қаласының әкімдігі Наурыз мейрамы қарсаңында байқаулар жариялайды.
Елдің әр өңірінде республикалық командалық-штабтың «Көктем-2023» атты оқу-жаттығулары өтіп жатыр. Іс-шара мақсаты – көктемгі су тасқыны қаупінің алдын алуға дайындық жүргізу. Арнайы жаттығу Қостанайда да ұйымдастырылды. Апаттан құтқару қызметінің өкілдері Дружба кентінің маңайында тактикалық арнайы даярлықтан өтті.
Қостанай облысының Кәсіпкерлер палатасы алаңында өткен облыстық Сыбайлас жемқорлыққа қарсы қызметтің кезекті қабылдауына Қостанай қаласында жолаушылар тасымалдаумен айналысатын кәсіпкерлер жаңа автобустар сатып алуға субсидия бөлдіру мәселесі бойынша жүгінді.
Өткен жылы облыстағы мал ұстаушылар 157 млн теңгеден астам шығынға батты. Олардан 710 бас мал ұрланған. Оның 288 басы – жылқы, 43-і – ірі қара, 379 басы – қой. – 2021 жылға қарағанда 2022 жылы мал ұрлығы біршама төмендеді.
Бүгін Қостанай қаласындағы Ұлттық ұланның 6697 әскери бөлімінің саптық алаңында Жамбыл, Ақмола, Қостанай, БҚО, Маңғыстау облыстарынан шақырылған 145 жас сарбаз салтанатты түрде әскери ант берді. Сарбаздарға сәттілік тілеп, жылы лебіз білдіру үшін Қостанай қаласының әкімдігі, Ұлттық ұлан “Орталық” өңірлік қолбасшылығының басшылығы, бөлімнің ардагерлер құрамы мен сарбаздардың ата-аналары қатысты.
Бүгін Рудный қаласының әкімі міндетін атқарушы болып Виктор Ионенко тағайындалды. Виктор Ионенко 2020 жылы облыс әкімінің орынбасары болған еді. Әр жылдары Денисов, Қарасу, Меңдіқара аудандарының әкімі қызметін атқарған.
Қостанай қалалық ауруханасының проктологиялық бөлімінде бариатриялық ота жасалады. Былтырғы жарты жылдықта сегіз адам дәрігердің көмегіне жүгінген. Бұрын мұндай ота тек шет елде немесе Астанада ғана жасалатын. Енді өз қаламызда да дәрігерлер қолға ала бастады. Бариатриялық ота дегеніміз – асқазанды кішірейтіп, семіздіктен арылу.
