Бүгін Рудный қаласының әкімі міндетін атқарушы болып Виктор Ионенко тағайындалды. Виктор Ионенко 2020 жылы облыс әкімінің орынбасары болған еді. Әр жылдары Денисов, Қарасу, Меңдіқара аудандарының әкімі қызметін атқарған.
«2023 жылдың 6 ақпанынан бастап Рудный қаласы әкімінің тұрғын үй-коммуналдық шаруашылық мәселелері жөніндегі орынбасары лауазымына Виктор Николаевич Ионенко тағайындалды. Ол қала әкімінің міндетін уақытша атқаратын болады», – делінген облыс әкімдігінің баспасөз қызметінің хабарламасында. Рудныйда 2020 жылдан бері басқарған Қуандық Хайдарұлы Испергенов басқа жұмысқа ауысуына байланысты әкім қызметінен босатылды.