Былтыр алғаш рет ауыл мектептерінің оқушыларына арналған жалпы білім беретін пәндер бойынша Республикалық олимпиада өткен болатын. Бұл бастама ауыл мектептерінің көптеген балаларына өздерін республикалық деңгейде көрсетуге, еліміздің ең мықты оқушылары арасында өз күштерін сынап көруге мүмкіндік берді.
Математиканы жақсы көретін Ян Джесов 9-сынып оқушысы ретінде облыстық оқушылар олимпиадасының қола медалін жеңіп алды. Өткен оқу жылында республикалық ауыл олимпиадасының барлық кезеңдерінен өтіп, «Математика» пәні бойынша жеңімпаз атанды және жалпы білім беретін пәндер бойынша республикалық олимпиаданың соңғы кезеңіне қатысу құқығына ие болды.
Ян – Денисов ауданының № 2 Денисов жалпы білім беретін мектебінің түлегі. Ол мақсат қып қойған жолын жалғастыру үшін математиканы таңдап, Cambridge St. Andrew’s College-ге (Ұлыбритания, Лондон) оқуға түсті.
St. Andrew’s College Cambridge –Ұлыбританияның Кембридж қаласында орналасқан беделді жеке мектеп. Әлемнің түкпір-түкпірінен 15 пен 19 жас аралығындағы оқушыларды қабылдайды және жоғары рейтингке ие.
St. Andrew’s College Cambridge 2019 жылы «The Good Schools Guide Award» сыйлығымен марапатталды, сонымен қатар 2017 жылы Cambridge English Language Assessment нәтижелері бойынша үздік мектеп болып танылды.
Қазір Ян Foundation бағдарламасы бойынша оқиды, университетке түсуге дайындалуда.
«Оқу өте қызықты. Мен математиканы негізге алдым, бірақ көптеген тақырыптарды білемін. Физика мен компьютерлік технологияны оқимын. Қазіргі уақытта жоспарымда бейімделу, жергілікті білімді қабылдау және жақсы білім алу бар», – дейді Янн колледж туралы алғашқы әсерлерімен бөлісіп.