Қостанай қаласында «Егіз Дауыс» («Twin Vote») акциясы аясында егіздер мен қос құрдастар дауыс беруге қатысты. Бұл ерекше акцияның мақсаты – жастар мен егіздердің азаматтық белсенділігін көрсету және референдумға қатысуды насихаттау.
Акцияға қатысқан кейбір азаматтар:
-
Аязбек Айзат Дәуренұлы және Аязбек Айқын Дәуренұлы (ИУ №67)
-
Стригин Вадим Александрович және Стригин Никита Александрович (ИУ №10)
-
Жақсымбекова Зарина Асхатқызы және Жақсымбекова Сабина Асхатқызы (ИУ №860)
-
Толдыбаева Зарина Ерланқызы және Толдыбаева Камилла Ерланқызы (ИУ №874)
Егіздер акцияға белсенді қатысты. Өз ойын бөліскен Айзат Дәуренұлы:
«Біз бүгін бірге дауыс беріп, азаматтық ұстанымымызды көрсетіп отырмыз. Мұндай акциялар жастардың қоғамға деген жауапкершілігін арттырады. Біз үшін бұл ерекше тәжірибе әрі есте қалатын сәт», — деді Айзат.
Референдумға қатысу арқылы егіздер өз таңдауларын жасап, азаматтық позицияларын көрсетті. Учаскелерде дауыс беру процесі ұйымдасқан түрде өтіп, әрбір қатысушыға барлық қажетті жағдайлар жасалған.