Рудный қаласында тұрғындардың бірнеше мәрте көтерген өтініші нәтижесіз қалған жоқ. 23, 27 және 28-шағынаудандарға автобус қатынасын қайта іске қосу мәселесі нақты кезеңге өтті.
1 қыркүйектен бастап бағыт шамамен екі айға сынақ режимінде жұмыс істейді. Осы уақыт ішінде мамандар жолаушылар ағынын саралап, бағыттың қаншалықты қажет екенін анықтайды. Қажет болған жағдайда қозғалыс сызбасы қайта қаралады.
Сонымен қатар, жаңа автобустар толықтай желіге шығарылып, олардың жұмысы мен жүктемесі жан-жақты зерттелмек. Осы деректердің негізінде қаладағы маршруттық желіні жаңарту туралы түпкілікті шешім қабылданады.
Тұрғындардың ұсынысы ескеріліп, қоғамдық көлік жүйесі заман талабына сай жаңарса, бұл қала өмірінің сапасын арттыратын маңызды қадам болмақ.