«Социум & Я» қоғамдық бірлестігі дін істері жөніндегі басқармасының қолдауымен діни бірлестіктер көшбасшыларының клубы аясында Республика күніне және Рухани келісім күніне арналған өңірдің діни бірлестіктері өкілдері арасында волейболдан турнир ұйымдастырды.
«Іс-шараның мақсаты: спорт пен салауатты өмір салтын насихаттау, конфессияаралық және қоғамдық келісімді, сондай-ақ қазақстандық бірегейлікті нығайту. Спорттық іс-шара соңында қатысушылар өз әсерлелерімен бөлісіп, жарыстың ұйымдастырылуы үшін алғыстарын білдірді», – дейді турнирдің ұйымдастырушылары.
Жарысқа ҚМДБ облыстық филиалы, «Қостанай және Рудный епархиясы», «Константино-Еленинский собор» , Қостанай қаласының «Церковь Жатвы» ДБ, Рудный қаласының «Нұр» мешіті және «діни проблемаларды зерттеу орталығы» КММ командалары қатысты.
Жүлдерлі орындарды Рудный қалалық «Нұр» мешіті және «Константино-Еленинский собор» ЖДБ командалары иеленді. Барлық қатысушылар грамота, медаль, сыйлықтармен марапатталды.