Бүгін белгілі режиссер Жасұлан Пошанов бастаған түсірілім тобы Қостанай жеріне келді.
Меймандарды облыстық мәдениет басқармасының өкілдері мен өнерде жүрген азаматтар қарсы алды.
Ертас Жақыпбайдың сценарийі бойынша жазылған телесериалдың екінші бөлімі осылайша түсіріле бастайды.
Телесериалға қостанайлық Садықовтар отбасының өмірі арқау болғанын еске сала кетеміз. Жалпы бұл бастамаға облыстық және қалалық әкімшілік, облыстық мәдениет басқармасы, облыстық халық шығармашылығы орталығы, облыстық білім басқармасы, Қостанай ауданының әкімдігі мен Арқалық қаласы қолдау білдіруде.