Қазақстан Республикасы ІІМ Шырақбек Қабылбаев атындағы Қостанай академиясы 1-курс курсанттарының ант қабылдау рәсімі өтті. Бұл сәт курсанттардың есінде мәңгі қалатыны сөзсіз.

Нева өзенінің жағасындағы тотықұстай таранған Санкт-Петербург қаласы орыс жұртының «әруақ қонып, нар шөккен» әулие жерінің бірі. 1703 жылы шәркейлі шаруалар сүйегінің үстіне салынған осы қала империя тарихының бастан-аяқ куәсіндей. «Европаға терезе ашылып», сәулет, құрылыс өнері келді.

Жыл өткен сайын мемлекеттік тіліміздің мәртебесін арттыратын шаралар қатары түрленіп келе жатыр. Ал, оған қатысушылар арасында өзге ұлт өкілдерінің саны да айтарлықтай артуда. Лисаков қаласында өткен «Мемлекеттік тіл – халық қазынасы» атты этнофорум осыған айғақ. Форум асында ұлттық киімдер, ойындар мен тағамдар таныстырылып, қатысушылардың өздері бірге жасады.

V-ші дүниежүзілік көшпенділер ойындары үш күннен бері Сарыарқаның төсін той мен думанға бөлеп жатыр. Бұдан бұрын жазғанымыздай, тоқсан елден келген екі жарым мыңдай спортшы ат бәйгесі, аударыспақ, көкпар, тоғызқұмалақ, қазақ күресі, жамбы ату тәрізді халқымыздың ежелден келе жатқан ұлттық ойындарынан сынға түсуде.

Астана қаласында өтіп жатқан бесінші дүниежүзілік көшпенділер ойындарында әр өңірдің дәстүрі мен жәдігерлері насихатталып жатыр. Жүзден астам киіз үй тігілген дүркіреген дүбірлі додадағы этноауылға Қостанай облысының делегациясымен бірігіп, Арқалық дала өлкесі тарихы облыстық мұражайының ұжымы да табан тіреді.

Оған облыс көлемінен бес әулеттің келіндері қатысып, бақ сынады. Ашық аспан астында, қаланың қақ ортасында өткен байқауды тамашалаған көрермен аз болмады.

Рудныйда қала күніне орай өтетін мерекелік іс-шаралардың бағдарламасы жарияланды. Мерекелік іс-шарада қалалық, облыстық өнер ұжымдары мен шет елдік әртістер, қазақстандық эстрада жұлдыздары өнер көрсетеді.

Меңдіқарадан бастау алған “Күй шеруі” акциясы әлі жалғасып жатыр. Өткен апта да Рудный қаласының орталық алаңында 350-ден астам домбырашы күмбірлетіп күй төкті.