Бүгінде тасқан судан зардап шеккен халық пен бизнеске көмек көрсету мәселесі Кәсіпкерлер палатасының Өңірлік кеңесінің басты күн тәртібіне айналды. Облыс әкімінің орынбасары Ринат Мұхаметқалидің қатысуымен өткен кеңес отырысында өңірдегі төтенше жағдай салдарынан зардап шеккендерге гуманитарлық көмек көрсету мәселесі қаралды.
Танымал сервис су тасқынынан зардап шеккен өңірлердің тұрғындары мейлінше жеңілдік жасап отыр. Енді Қазақстан аумағында бар болғаны 1 теңгеге жүк тасымалына тапсырыс беруге болады. Бұдан бөлек, inDrive үй-жай, мал-мүлкінен айырылған тұрғындарды қолдауға 50 мың доллар бөледі.
КЖБИ ауданындағы көпір көлік қозғалысы үшін 12 сәуір, сағат 8:00-ден бастап ашылады. Бірақ тек жеңіл көліктер ғана жүре алады, ал жүк көліктеріне дүйсенбіден бастап қана рұқсат етіледі. Сол уақытқа дейін жол төсемі кеуіп, ауыр техниканы көтере алатындай болуы керек
Мемлекет басшысы Қасым-Жомарт Тоқаевтың тапсырмасымен «Таза Қазақстан» акциясы аясында қаланың барлық кәсіпорындары мен ұйымдары өздеріне тиісті аумақтарын тазартуға кірісті. Оған мекемелер ғана емес барлық қала тұрғындары аулаларын, алаңдарын, маңайындағы саябақтарды, көшелерді қоқыстан арылтуға шама-шарқынша араласып жатыр.
Өңірлік жедел штабта төтенше жағдайлар кезіндегі іс-қимылдардың егжей-тегжейлі алгоритмі әзірленіп жатыр. Аймақтың барлық су қоймаларында су деңгейі сағат сайын өлшеніп отыр. Бүгінде облыстағы су қоймалары 90-100%-ке толған.
ҚР Парламенті Мәжілісінің депутаты Екатерина Смышляева жұмыс кестесін Amanat партиясының облыстық филиалы кеңсесінде бастады. Жергілікті атқарушы органдардың өкілдерімен кездесіп, кейін тұрғындарды қабылдады.
Бүгін шаңырағында АЙАРУ, АРДАН және АРЛАН есімді үшем дүниеге келген Әбдірахмановтар отбасын Қостанай қаласының әкімі Марат Жүндібаев облыс басшысы атынан құттықтап, үш бөлмелі пәтер кілтін табыс етті.
Бүгін бір ай бойы қасиетті рамазан айында оразалы болып, кешке жақын тарауық намаздарын оқыған жамағат айт намазына мешітке жиналды.
Қарасу ауданындағы барлық өзенде су деңгейі көтерілді. Мәселен, Түнтүгір өзен і970 м, Құндызды өзені 720, Қарасу өзенінің деңгейі 880 сантиметрге жеткен.
Қостанайда тасқын судың беті әлі қайтқан жоқ. Судың ағыны да қатты. Бірнеше кәсіп нысаны мен қаланың шеткі ауылдарындағы тұрғын үйлер суға кетті. Ол жерден адамдар мен үй жануарлары эвакуацияланды.
