Жітіқара қаласында бес қабатты тұрғын үйдің пәтерінен өрт шықты деп хабарлайды ТЖД.
Шақыру орнына жедел жеткен өрт сөндірушілер жанып жатқан үйдегі түтіннің арасынан иесін тез тауып, оны далаға шығарды. Содан кейін зардап шегушіге алғашқы медициналық көмек көрсетілді, жедел медициналық қызметіне тапсырды. Құтқарушылар саты арқылы 15 адамды, оның ішінде 5 баланы эвакуациялады. Өрт 20 шаршы метр алаңда сөндірілді. Қазіргі таңда шығу себебі анықталып жатыр.