ҚР ҰҚК Шекара қызметі департаменттің әскери қызметшілері арасындағы шахмат жарысы ұйымдастырылды. Оған болашақта өз тағдырын Отанымыздың қасиетті шекараларын қорғаумен байланыстырғысы келетін балалар үйінің жасөспірімдері де қатысты.
Жарыстың іріктеу ойындары мен финалы көптеген көрермендерге қызығушылық тудырды.
Төрешілер ойыншылардың әр қадамын мұқият қадағалап отырды.
Финалда департаменттің әскери қызметшісі Болат Мантаев жеңімпаз атанды.
“Біз шахматтың жастар мен әскери қызметшілер арасында танымал болғанын мақтан тұтамыз. Барлық қатысушылар жағымды эмоциямен тәжірибе алмасты. Осындай жарыстар осы спорт түріне деген қызығушылықты арттырады,”– деді департамент бастығының бірінші орынбасары полковник Азамат Дабынов.