Мемлекет басшысы Қасым-Жомарт Тоқаевтың тапсырмасы бойынша Премьер-Министр, Су тасқынына қарсы іс-шараларды үйлестіру және су тасқыны кезеңінің салдарын жою жөніндегі республикалық штабтың жетекшісі Олжас Бектенов қазіргі кезде су тасқынына байланысты күрделі жағдай қалыптасып отырған Қостанай облысында жүр.
Тасқын судың легі Науырзым ауданын да айналып өткен жоқ. Өткен аптада қызыл су Мереке ауылының тұсынан қайтса, кейін Буревестник, Дәмді ауылдарында ағысын күшейтті.
Аудан көлемінде барлығы 1043 адам және 212 бас үй жануары қауіпсіз жерлерге уақытылы көшірілген.
Көктемгі су тасқыны кезінде Арқалық қаласына қарасты «Қызылжұлдыз» ауылының аумағында орналасқан «Сәдман», «Боқы», «Қонай-1», «Қонай-2» және «Шегет» шаруа қожалықтарын су басып, қатты зардап шекті.
Қазіргі таңда тасқын қаупі солтүстік өңірлерге ауысып жатыр. Бүгін облыс орталығы мен Қостанай, Қарасу аудандарында төтенше жағдай жарияланды. Қауіпке қарсы күрес тынымсыз жүруде.
Мемлекет басшысы Қасым-Жомарт Тоқаев су тасқыны салдарынан қалыптасқан ауыр жағдайға байланысты үндеу жариялады. Үндеудің толық мәтінін назарларыңызға ұсынамыз! Құрметті отандастар! Бүгін мен еліміздің азаматтарына арнайы үндеуімді жолдап отырмын. Баршаңызға белгілі, қазір елімізде күрделі жағдай қалыптасып отыр. Қардың күрт еруіне байланысты аймақтарда су тасқыны болып жатыр. Бұл – табиғи апат. Мұндай ахуал ұзақ жылдан бері болмаған. […]
Су теміржолдың инфрақұрылымдық ғимараттарына жақындады. Әзірге, жұмыс үй-жайлары мен ҚТЖ ауласына су кірген жоқ.
Рудныйда және оған қарасты елді мекендерде адамдар әлі де эвакуациялану үстінде. Бұл өңірде ұзын саны 163 адам қауіпсіз жерге көшірілген.
Су тасқыны кезінде инфекциялық аурулардың өршігені туралы ақпарат тарады. Хабарламада краннан су ішуді тоқтату қажеттігі туралы кеңес айтылған. Мән-жайды жергілікті атқару органдары өкілдерінен және облыстық Санитариялық-эпидемиологиялық бақылау департаментінен анықтап білдік.
Қала әкімі Марат Жүндібаев бүгін, 6 сәуірде түстен кейін тасқын су мол келетінін айтты. Себебі Қаратомар су қоймасының су ағызу жылдамдығы секундына 2500 текше метрден асқан. Аталмыш қоймадағы су ернеуіне жетіп, 97% толған.
