Жалпы, Премьер—министр Олжас Бектенов Президент Қасым—Жомарт Тоқаевтың бағдарламалық сұхбаты Үкімет жұмысының басым бағыттарын айқындайтынын атап өтті.
«Президенттің бағдарламалық сұхбаты алдағы уақытта біздің алдымызда тұрған мақсаттар мен міндеттерді нақты айқындады. Барлық орталық және жергілікті мемлекеттік органдар, ұлттық компаниялар оларды табысты іске асыру үшін бар күш-жігерін салуы қажет. Сөзден іске көшу керек. Барлық мәселелерді шешуге прагматикалық көзқараспен қарау, бюджет қаражатын барынша үнемдеу және нақты нәтижені қамтамасыз ету – басты міндет. Есептер мен презентациялардан арылатын уақыт келді. Егер нәтиже болмаса – мұның бәрі уақыттың босқа ысырап болғаны. Егер қолдан келмей жатса, ашығын айтыңыздар. Біз бұл мәселені шешеміз«, — деді Олжас Бектенов.
Премьер—министр өз бағыттары бойынша барлық тапсырмалардың орындалуын үйлестіру жөніндегі орынбасарлардың алдына міндет қойды.