Елімізге келетін шетелдік азаматтарды ақпараттандыруға арналған «Қазақстан полициясы Сізді қарсы алуға дайын» сервисі әзірленді.
Оны Қазақстан Республикасының Ішкі істер министрлігі цифрландыру аясында жүзеге асырып отыр. Бұл – ыңғайлы әрі заманауи мобильді шешім.
Сервис төрт тілде қолжетімді: қазақ, орыс, ағылшын және қытай тілдерінде. Қосымша арқылы Қазақстан Республикасында болу тәртібі, көші-қон қызметінің көрсететін қызметтері, әкімшілік заңнама нормалары туралы ақпарат алуға болады. Сондай-ақ 2GIS және Яндекс карталарын пайдалану, такси, байланыс және қалалық сервистер жөнінде мәлімет алу мүмкіндігі бар.
Төтенше жағдайларда полицияға жүгіну үшін 102 батырмасы қарастырылған.
Сервисті әуежайларда, теміржол вокзалдарында, сауда-ойын-сауық орталықтарында, қонақүйлерде, жанармай құю бекеттерінде және супермаркеттерде пайдалануға болады. Ол үшін қолыңызда смартфон болса жеткілікті.
Ақерке АРЫСТАНБАЙ
ҚӨУ студенті