Қазақстан Республикасы Төтенше жағдайлар министірінің бұйрығымен Арқалық қалалық полиция басқармасының инспекторы, полиция майоры Дархан Тұрғанов «Төтенше Жағдайдағы ерлігі үшін» төсбелгісімен марапатталды.
Таяуда қатты боранда бірнеше күн қатарынан іздестірілген Арқалық қаласының Фурманов ауылының тұрығынын ажал тырнағынан құтақырып қалған полицейге және іздеуге қатысқан барлық күштік-құрылым қызметкерлеріне құрмет көрсетілді.
Салтанатты марапаттау жиынында ҚР Төтенше жағдайлар министірлігі, Қостанай облысының Төтенше жағдайлар департаментті басшысының орынбасары, полковник Жәнібек Кәрімбаев пен Арқалық қаласының әкімі Әмірхан Асанов құттықтау сөз сөйлеп, төтенше жағдай кезінде ерлік көрсеткен азаматтарға марапаттарды табыс етті.
«Отанымыздың басты құндылығы – адам өмірі. Біздің басты міндетіміз – оны сақтау. Жыл басынан беріеліміз бойынша біздің құтқарушылар 143 авариялық-құтқару жұмыстарына шықты. Нәтижесінде 298 адам құтқарылып, оның ішінде 24 бала, 368 адам қауіпті жағдайдан аман қалды. Апатты жағдайлардың алдын алуда құтқарушылармен қатар, қарапайым адамдар мен волонтерлер, мемлекеттік оргадардың мамандары өздерінің батылдықтары мен жоғары адами қасиеттерін жиі көрсетіп келеді. Бұл өмір мен өлім қатар келген қас-қағым сәтте бойындағы қорқынышты жеңіп, батыл әрекеттерге баратын ержүрек азаматтарымыздың санының артып келе жатқандығының айқын дәлелі», – деді полковник Жәнібек Кәрімбаев.
Атап айтқанда, ҚР Төтенше жағдайлар Министрінің «Алғыс хатымен» Арқалық қалалық «Жедел құтқару» жасағының құтқарушылары АйбатМырзахметов, Қуаныш Қожантай, облыстық Төтенше жағдайлар департаменті басшысының «Алғыс хатымен» Арқалық қаласы ТЖБ басшысы, азаматтық қорғау майоры Асылхан Нұрғалиев, ТЖБ бас маманы Қайыржан Жұмақанов, №4 Мамандандырылған өрт сөндіру бөлімі басшысының орынбасары, азаматтық қорғау аға лейтененты Олжас Төлегенұлы марапатталды.
Фурманов ауылынан құтқару жұмыстарына көмекке барған азаматтар: Шамқал Қабдрашитов, Қайырбек Жүсіп, Дихан Жұманов, Жұмабек Ерменбаев, Қазбек Мұқашев, Игілік Алтаевтар марапаттарға ие болды.
Мұрат ЖҮНІСҰЛЫ
Арқалық қаласы