Жыл сайынғы үрдіске айналған, осымен алтыншы рет өткелі отырған форумға Қазақстан, Әзербайжан, Қырғызстан және Алтай аймағы елдерінің музыканттары қатысады. Олар өзара тәжірибе алмасып, Тобыл төрін әуен-сазға бөлемек.
Форум 1 сәуір күні Е.Өмірзақов атындағы облыстық филармония сахнасында өтеді. Концерттік бағдарламада шетелдік музыканттармен бірге облыстық филармония атынан Назымбек Молдахметов атындағы қазақ халық аспаптар оркестрі және орыс халық аспаптары оркестрі, сондай-ақ камералық оркестр өнер көрсетеді. Концертке кіру тегін.