ҚР ҰҚК Терроризмге қарсы орталығының қолдауымен «Найза – Антитеррор-2025» жоспарлы республикалық жедел-тактикалық оқу-жаттығуы қарқынды жүргізілуде.
«Қала тұрғындары мен қонақтарын тыныштық сақтауға, мемлекеттік органдар қызметкерлерінің заңды талаптарын орындауға және тек ресми көздерден алынған ақпаратқа сенуге шақырамыз. Оқу-жаттығу аясында блок-бекеттер орнату және көлік құралдарын тоқтату көзделген. Жалған ақпарат таратқаны үшін қылмыстық жауапкершілік қарастырылғанын ескертеміз», – деп хабарлайды Терроризмге қарсы күрес жөніндегі республикалық жедел штабы.
Құқық қорғау органдарының қабылдайтын шаралары барлық мүдделі құрылымдардың дайындығын тексеруге және олардың үйлесімді жұмысын қамтамасыз етуге бағытталған.
Аталған іс-шаралар сіздің қауіпсіздігіңізді қамтамасыз ету мақсатында өткізілуде.