3-5 қыркүйек аралығында Денисов ауылында мүмкіндігі шектеулі жандардың облыстық V спартакиадасы өтті.
Спартакиада облыстық Дене шынықтыру және спорт басқармасы ұйымдастыруымен, өңірлік «Паралимпиадалық спорт түрлері» федерациясы іске асыратын мемлекеттік әлеуметтік тапсырыс аясында өткізілді. 
Оған облыстағы барлық аудан-қаладан 17 команда, 181 адам қатысты. Жарыс спорттың 7 түрінен өтті. Атап айтқанда, командалар асық ату, корнхолл, пара жеңіл атлетика, пара үстел теннисі, дартс, дойбы және тоғызқұмалақ ойындарынан тартысқа түсті.
Жарыс қорытындысында жеңімпаздар мен жүлдегерлер грамота, медаль және ақшалай сыйлықтармен марапатталды.