“Қостанай таңы” газеті редакциясында сексеннің сеңгіріне шыққан журналист, сатирик жазушы Дамир Әбішті мерейтойымен құттықтауға арналған кездесу өтті.
Бүгінгі қуаныш иесі өзі 42 жыл қызмет еткен қарашаңырақта құрметке бөленіп, марапатқа кенелді. Құттықтау жиынына ғасыр жасаған ақсақал, майдангер, ардагер журналист Қасымхан Алдабергенов, Қазақстан Жазушылар одағының облыстық филиалы төрағасы Жанұзақ Аязбеков, облыстық Ардагерлер кеңесінің төрағасы Батырбек Ахметов, көршілес редакциялардың басшылығы және ізбасар-шәкірттері келіп қатысты. Облыстық Қоғамдық даму басқармасының өкілдері Дамир Сәкенұлына облыс әкімі Құмар Ақсақаловтың құттықтау хатын табыс етті. Басқа да құрметті меймандар жүрекжарды жылы лебіздерін айтып, сый-сияпаттарын табыс етті. 
Толығырақ газеттің алдағы санынан толығырақ оқи аласыздар.
Суреттерді түсірген – Бағдат Ахметбеков