«Мерекелік сый-құрмет» акциясы аясында облыстық «Қостанай таңы» газеті зейнеткерлерінің кезекті легі құттықталды. Атап айтқанда, танымал заңгер, «Отбасы help» фронт-кеңсесінің басшысы, сот орындаушылардың өңірлік палатасының төрайымы Несібелі Бәсенова редакцияға көп жыл еңбек сіңірген аға буын өкілдеріне сый-сияпат табыс етті.

«Мерекелік сый-құрмет» акциясының кезекті кейіпкерлері – есімдері оқырмандарымызға етене таныс тұлғалар Ермекбай Хасенов пен Ким Зон Хун. Бірі танымал қаламгер болса, екіншісі – кәнігі фотограф. Қос зейнеткерге сый-сияпат көрсетуге «Эксперт» компаниясының директоры Юлия Бубнова демеушілік жасады.

Ұрпақтар сабақтастығының жарқын көрінісі – Ұлыстың ұлы күні қарсаңындағы «Мерекелік сый-құрмет» акциясы. «Қостанай таңы» газетінің қазіргі ұжымы демеушілермен бірігіп, редакция зейнеткерлерін ұлық мейраммен құттықтап, сыйлық табыс етуде. Жоба ұйымдастырушылары бүгін де қарт қаламгерлерге ілтипат көрсету науқанын жалғастырды.

«Қостанай таңы» газетін бұрынғы қызметкерлері, зейнеткер аға-апаларымыз – Базылхан Жүнісов, Дөңасарова Мәрияш және Кодукупова Бәтия да барлық алдыңғы буын өкілдері секілді «Мерекелік сый-тарту» акциясы аясында марапатқа ие болды. Демеу көрсетуші – А.Байтұрсынұлы атындағы ҚӨУ профессоры, экономика ғылымының кондидаты Гүлмира Дамбаулова.

Ұлыстың ұлы күні қарсаңындағы төл жобамыз – «Мерекелік сый-құрмет» акциясы жалғасып жатыр. «Қостанай таңы» газетінің жанашырлары, демеушілеріміз ардақты ақсақалдарымызды құттықтай барды.

Наурыз мейрамы қарсаңында «Қостанай таңы» зейнеткерлерін құттықтауды Қостанай қаласының Саясаткер әйелдер клубының төрайымы, облыстық Әйелдер күштері альянсының мүшесі, кәсіпкер Гүлвира Құдайқұлова сабақтады. Демеушіміз газетіміздің жас буыны үшін үлгілі із қалдырған үш бірдей апамызға сый-құрмет көрсетті.