Депутат Мемлекет басшысы Қасым-Жомарт Тоқаевтың қатысуымен өткен ауыл әкімдерінің диалог-платформасына ауылдық аумақтарды, жергілікті басқаруды жетілдіру әрі миллиондаған азаматтарымыздың өмір сапасын арттыру мәселелері талқыланатын маңызды алаң деп анықтама берді.
«Атқарылған нақты нәтижелерді атап өткім келеді. Ауыл әкімдерінің тікелей сайлауымен елде 3 429 әкім сайланды. Өзгерістердің арқасында корпус жасарды – орташа жас 44. Көптеген өз-өзін ұсынған азаматтар келді. Олардың арасында әйелдер және нақты сектордан келген мамандар бар. «Әкімдер мектебі» іске қосылды. Ауылдық округтер қаржылық дербестік алды. Өз кірістері 3,5 есе артты, 2024 жылғы жоспар 379,9 млрд теңгемен артығымен орындалды. Ауылдық аумақтарды дамыту тұжырымдамасының арқасында елдегі 7,5 млн ауыл тұрғынының өмір сапасын көтеру басым бағыт алды», – деп жазды ҚР Парламент Сенатының депутаты.
«Ауыл аманаты» бағдарламасының арқасында 2,5% мөлшерлемемен 18 мың микрокредит беріліп, 19 мың жаңа жұмыс орны ашылды. «Ауыл – ел бесігі» бағдарламасымен 2019 жылдан бері 6,6 мың жоба іске асырылды. Мектептер, жолдар, инженерлік желілер, әлеуметтік нысандар жөндеуден өтті. Ауылдық денсаулық сақтау ахуалы жақсара түсті.
655 нысанның 631-і салынып бітті. 1 млн-ға жуық ауыл тұрғыны алғашқы медициналық көмекті үйіне жақын алады.
«Ауыл мектебі – сапа алаңы» жобасы 299 тірек мектепті және 1122 шағын жинақты мектепті қамтыды. Қазақстан тәжірибесі әлемдік HundrED Global Collection тізіміне енді. Интернет және байланыс жылма-жыл артып, 2 606 ауыл оптикаға қосылды, 84% — мобильді интернетпен қамтылған. 2027 жылға дейін ауылдардың 90%-ы ВОЛС-пен қамтылады, 4G қолжетімділігі — 92% құрады.
Ауыл – елдің тірегі. Президент бастамалары ауылдардың келбетін өзгертіп, инфрақұрылымды жаңартып, жаңа мүмкіндіктер ашуда.