Бүгін Қостанайда «Дала дәмі» республикалық жобасы аясында ауыл шаруашылығы жәрмеңкесі өтті. Қолжетімді бағадағы азық-түлікке сұраныс жоғары болды. Екі сағат көлемінде өнімдердің денін тұрғындар пышақ үстінен бөліп әкетті.
Жәрмеңкеге жергілікті тауар өндірушілер мен қайта өңдеу кәсіпорындары 20,3 тонна өнім әкелді. Сауда сөрелеріне ет пен құс еті, балық, картоп пен көкөністер, өсімдік және сары май, жұмыртқа секілді күнделікті тұтынатын азық-түлік қойылды.
– Бағасы көңілімнен шығады. Қажетті азық-түлікті қолжетімді бағамен алуға мүмкіндік бар. Ет бағасы ұшып тұрғанын білесіздер. Сондықтан осында ет үшін келіп, әжептәуір ақшамды үнемдеп, он шақты келісін алдым. Азғантай зейнетақыға қарап отырған бізге салса, әлде де арзандай түскенін қалаймыз ғой. Алайда бұл да айтарлықтай демеу, – дейді ол.
«Мені қуантқаны — көп азық-түлік «әулеуметтік қажеттілігі бар өнім» деп белгіленіп, әлдеқайда арзан бағамен сатылды. Осы жәрмеңке жиі өтіп тұрса екен. Халықтың менің тілегіммен келісетінін көптен жиналуынан-ақ өздеріңіз де аңғарып отырған швғарсыздар. Қорымызды бір толықтырып алдық», — дейді алаңнан тоқ көңілмен қайтқан апамыз.
Шынында да, азық-түлік бағасы құбылып тұрған кезеңде мұндай бастамалардың маңызы зор. Бір жағынан, тұтынушылардың қалтасына салмақ түсірмей, қажетті өнімін алуға мүмкіндік туады. Екінші жағынан, жергілікті өндірушілер тауарын тікелей сатып, тұтынушымен байланысын нығайтады.