Бұл туралы облыстық білім басқармасының баспасөз қызметінен хабарлады. Олимпиада қорытындысы бойынша “Білім-инновация” дарынды балаларға арналған мамандандырылған лицей-интернатының 10 сынып оқушысы Жан Даутов қола медаль жеңіп алып, әлемдегі ең мықты математика білгірлерінің қатарына енді. Қостанай облысының қоржынында 15 жылдағы алғаш жетістік дейді мамандар.
Лицейде оқыған жылдар бойы күнделікті сабақтар осылайша өз жемісін берді.
Осы оқу жылында Жан мынадай медальдар жиынтығын жеңіп алды: республикалық оқушылар Олимпиадасының алтыны, Иран геометрия олимпиадасы, Халықаралық Азия-Тынық мұхиты математикалық олимпиадасы, күміс – Халықаралық “Жібек жолы” олимпиадасы және Халықаралық Жәутіков олимпиадасы, Балқан математикалық олимпиадасының қола медалі.