Сәуір айында II облыстық «Директор– мектептің жүрегі» байқауы өтті. Байқаудың идеясы – «Директордың имиджі-мектептің жетістігі», бұл мектеп директорының үздіксіз білімі мен жеке өсуін, басқарудың үздік тәжірибелерінің көрсетілімін көрсетеді.
Байқау 2 тур бойынша өткізілді. Тапсырмалар мектеп директорының кәсіби имиджін қалыптастыруға, мектепті басқарудың үздік тәжірибелерін анықтауға және таратуға, менеджменттегі кәсіби құзыреттіліктер мен инновацияларды дамытуға ықпал етті.
Қостанай қаласының № 31 жайлы орта мектебінің базасында екінші тур өтті, онда қатысушылар мектепті басқару тақырыптары бойынша визиттік карточкасын, кейстер мен көпшілік алдында мектепті басқарудың тақырыптары бойынша сөйледі.
Нәтижесінде 1 орынды Қостанай қаласы С. Мәуленов атындағы гимназияның директоры Аслан Мадибаев, 2 орынды -Аманкелді ауданының Жасбуын жалпы білім беретін мектебінің директоры Әділхан Әбдуахит, 3 орынды Қостанай ауданы Заречный мектеп –лицейінің директоры Гүлжан Ердәулетова мен Қарабалық ауданының Абай Құнанбаев атындағы жалпы білім беретін мектебінің директоры Жанат Қарбаева иеленді. Жанкелдин ауданының Ы.Алтынсарин атындағы жалпы білім беретін мектебінің директоры Айгүл Әбдіғапар, Қарасу ауданының Люблин жалпы білім беретін мектебінің директоры Анна Прокоп және Ұзынкөл ауданының Қ.Дөненбаева атындағы жалпы білім беретін мектебінің директоры Ақлима Әмрина номинациялар бойынша жеңіске жетті.