Облыстық кәсіпкерлер палатасының салалық кеңестері шеңберінде тасымалдау саласындағы нормативтік-құқықтық базаны жетілдіру бойынша шаралар қабылдануда. Көлік құжаттарын басқарудың бірыңғай жүйесінің тұрақсыз жұмысына алаңдаған тасымалдаушылардан өтініштер түскен.
Осы жылдың 13 наурызынан бастап ҚР “Әкімшілік құқық бұзушылық туралы” Кодексіне түзетулер күшіне енеді. Оған сәйкес тауар-көлік жүк құжатын, жол парағын көлік құжаттарын басқарудың бірыңғай жүйесінде тіркеусіз автомобиль көлігімен жүкті, жолаушыларды және багажды тасымалдауды жүзеге асыру, сол сияқты бұл құжаттарды толтырмау немесе оларға енгізу көрінеу анық емес мәліметтер әкімшілік жазаға әкеп соқпақ.
Тасымалдаушылардың базы көлік мәселелері жөніндегі салалық кеңес шеңберінде қаралатын болады. Қостанай облысы Кәсіпкерлер палатасының директоры Ренат Давлетпаевтың айтуынша, кеңестің ұсынысы бойынша нормативтік-құқықтық базаны жетілдіру бойынша маңызды қадамдар жасалған.
“Бірқатар нормативтік құжаттарды 2026 жылғы 1 маусымға дейін тоқтата тұру мәселесі де қаралуда. Атап айтқанда, “Ашық НҚА” порталында “Қазақстан Республикасы Инвестициялар және даму министрінің міндетін атқарушының 2015 жылғы 26 наурыздағы № 349, “Автомобиль көлігімен жолаушылар мен багажды тасымалдау қағидаларын бекіту туралы” бұйрығының және Қазақстан Республикасы Инвестициялар және даму министрінің бұйрығының кейбір құрылымдық элементтерінің әрекеттерін тоқтата тұру туралы” Қазақстан Республикасы Көлік министрінің бұйрығының жобасы орналастырылған. 2015 жылғы 30 сәуірдегі № 546, “Автомобиль көлігімен жүктерді тасымалдау қағидаларын бекіту туралы” заң жобасы осы жылдың наурыз айының 26-на дейін жария талқытауда болады”, – делінген хабарламада.
Бұл нормативтік құжаттар тасымалдаушылар үшін тауарларды логистика мен тасымалдаудың барлық рәсімдерін реттейді және осы саладағы бизнес үшін маңызды мәселелердің бірі болып отыр.
Айбол Өміртай,
ҚӨУ студенті