Қостанай облысындағы техникалық және кәсіптік орта білім беру колледж студенттері арасында дәстүрлі XXVII “Студенттік көктем” байқауы ұйымдастырылды.
Дәстүрге айналған іс-шарада облысымыздың 30 колледжі бақ сынады. Жарыс жеңімпаздары әлеуметтік жоба, интелектуалды квест және фотокросс атты 3 конкурс бойынша анықталды. Нәтижесінде, әлеуметтік жобалар байқауында Қостанай ауылшаруашылық колледжі, интеллектуалды квест кезеңінде Қостанай политехникалық колледжі, фотокросс байқауында Рудный тау-кен технологиялық колледжі жеңімпаз атанды.
Мерекелік шара студенттердің шығармашылық нөмірлерінен құралған гала-концертпен аяқталды. Жарыс жеңімпаздарына жалпы жүлде қоры 380 000 теңге болатын арнайы сертификаттар табысталды.
Қаракөз МАҚАТОВА.