Бүгін Қазақстан Республикасы құрылтайының алғашқы шақырылымының бірінші сессиясы өтті. Бұл – біздің мемлекеттігіміз бен қоғамдық диалогтың дамуына жаңа жол ашатын тарихи сәт.
Мемлекет басшысы Қасым-Жомарт Тоқаев елдің болашағы әділдік, жауапкершілік және ашықтық қағидаттарына негізделетіні туралы сөз сөйледі. Жаңа институт мәселелерді талқылауға арналған алаң ғана емес, әр өңірдің, әрбір азаматтың дауысы естілетін тетік болуға тиіс.
Көптеген жыл бойы білім беру жүйесімен және қоғамдық жұмыстармен айналысқан адам ретінде мен Қазақстанның болашағына тікелей әсер ететін мына бағыттардың маңызды екенін атап өткім келеді: білім сапасы, өскелең ұрпақты тәрбиелеу, отбасыларды қолдау, өңірлерді дамыту және азаматтардың мемлекеттік институттарға деген сенімін арттыру.
Құрылтай – тарихи атау ғана емес, мағынасы терең ұғым. Ғасырлар бойы құрылтайларда халықтың даму жолын анықтайтын маңызды шешімдер қабылданды. Бүгінгі таңда бұл дәстүр жаңа мазмұнды-сындарлы диалог, заңдылық және қоғам алдындағы жауапкершілік арқылы тың сипат алмақ.
Құрылтайдың бірінші шақырылымының депутаттарына ерекше міндет жүктеліп отыр. Олар тарихқа жаңа кезеңнің алғашқы өкілдері ретінде енді. Олардың алдында адамдардың сенімін ақтау, мәртебе үшін емес, нақты нәтижелер үшін жұмыс істеу сияқты маңызды миссия тұр.
Мемлекеттің күші халықтың бірлігінде, Заңға құрмет және әділетті болашақты бірге құру баршамыздың қуат-қабілетіміз жететін іс екеніне сенімдімін.
Қазақстан тарихының жаңа парағы әрбір азамат үшін жаңа мүмкіндіктер, даму және жасампаздық жаршысына айналсын!
Әлмира Жансүгірова,
ҚР мәслихаттарының Құрметті депутаты,
ҚР ағарту үздігі