Қостанай қаласының әкімі Марат Жүндібаев осы жылы атқарылған аула аумақтарын абаттандыру жұмыстарының нәтижесімен танысты.
Қалада барлығы 474 аула бар, соңғы жылдары 264-і толық абаттандырылды. 64 спорт, 112 балалар-спорты және 88 балалар ойын алаңы орнатылды.
–Биылдың өзінде 35 балалар, спорт-ойын алаңы, оның ішінде «Халық қатысатын бюджет» бағдарламасы аясында 18 нысан орнатылды. Естеріңізге сала кетейін, келесі жылдан бастап қала тұрғындарына арналған демалыс орындары бар шағын саябақ салу жоспарлануда, – деді Марат Жүндібаев.