Республикалық жедел тактикалық оқу-жаттығуларын ҚР Ұлттық қауіпсіздік комитетінің Терроризмге қарсы орталығы ұйымдастырып жатыр.
«Найза-Антитеррор-2025» жоспары бойынша өтіп жатқан іс-шараның негізгі мақсаты — террористік сипаттағы қатерлер туындаған жағдайда мемлекеттік органдардың әрекет ету және өзара іс-қимыл жасау дағдыларын жетілдіру, сондай-ақ терроризм актісінің салдарын барынша азайту және жою.
«Оқу-жаттығу аясында арнайы техника, құқық қорғау және арнайы органдардың әртүрлі бөлімшелерінің күштері мен құралдары жұмылдырылатын болады. Іс-шаралардың өткізілуіне байланысты қаланың жекелеген көшелерінде автокөлік қозғалысы уақытша шектеледі. Қала тұрғындары мен қонақтарын тыныштық сақтауға, мемлекеттік органдар қызметкерлерінің заңды талаптарын орындауға және тек ресми ақпарат көздеріне сенуге шақырамыз», – деп хабарлайды Терроризмге қарсы күрес жөніндегі республикалық жедел штабының өкілдері.
Естеріңізге сала кетеміз, жалған ақпарат таратқаны үшін қылмыстық жауапкершілік қарастырылған.
Түсіністік танытқандарыңыз үшін алғыс білдіреміз.